Rəssamlıq sənətinin əsərləri ilə ön cərgəsində parlayan Fikrət İbrahimlinin sərgisində iştirak edərək onu özüm kəşf etmiş oldum. O, əsərlərində zəngin mədəniyyətimiz, tariximizin keçmişinin və bu gününün bütün çalarlarını böyük məharətlə, ustadcasına əks etdirmişdir.
Sərginin təşkilatçısı və ideyaçısı olan millət vəkili Qənirə xanım Paşayevanın böyük sənətkarlara diri ikən qayğı göstərib, dəyər verməyi təqlid ediləcək bir örnəkdir. Dərin hörmətlə
səfir Abbasəli Həsənov
16 dekabr 2022

Çox hörmətli Ülviyyə xanım! Bu möhtəşəm sərginiz münasibətilə sizi səmimi qəlbdən təbrik edirəm. Sərgini seyr etməkdən doymaq olmur, çünki hər bir əsərin harmonik koloriti, rənglər aləmi,obraz və simvollar aləmi,insanı nağıllar aləminə aparır sanki...
Hər bir əsərə əslində ayrıca bir gün həsr etmək olar ki,kifayət qədər seyr etmək olsun. Əlbəttə ki, sizin çox möhtəşəm zəhmətsevərliyiniz göz qarşısındadır və bəzən heyranlıq doğurur.Sərginizdən çox böyük təəssüratlarla ayrılıram. Rəssam
Əbdüləmi Nadir Əliyev
28 oktyabr 2022

Фантастическая выставка! Игра цвета – красок, вроде использованы одни и те же, но … Результат удивительный! Низкий поклон фантастическому художнику – господину Карлосу Мота!!! Очень интересная манера письма! Да… Цвет определяет чувства, эмоции, настроение, образы. Сколько свободы для воображения. Ведь каждый зритель видит всё по-своему. Bravo!!! Директор Музея Ростроповичей
Шейла Гейдарова
16 ноября 2018

Mən 40 il təcrübəsi olan muzey işçisi Amaliya Rza qızı çox tez-tez Muzey Mərkəzində keçirilən sərgilərdə iştirak edirəm. Ümumiyyətlə, Muzey Mərkəzinin təşkil etdiyi hər bir tədbir canlı körpüdür. Burada nümayiş etdirilən foto, tablo, heykəl əl işləri Azərbaycanın incə sənətkarlığı müxtəlif istedadlardan zövqlə toplanıb seyrciləri məmnun edir. Bunun üçün mən Muzey Mərkəzinin müdiriyyətinə, hər bir işçisinə minnətdarlığımı bildirirəm. Müəllif olan sənətkarlarla isə böyük qürur hissi duyuram. Amaliya Rza qızı
Muzey işçisi
18 fevral 2009

Mədəniyyət Nazirliyinə, Muzey Mərkəzinə “Müharibə uşaqların gözü ilə” Ermənistanın Azərbaycana qarşı təcavüzünün 20 illiyinə, Xocalı Soyqırımının 16 illiyinə həsr olunmuş Uşaqdan Uşağa Sülh Şəbəkəsinin təşkil etdiyi sərginin dəstəklənməsinə görə öz minnətdarlığımı bildirirəm. Bu sərginin uşaqlarımızı, gənclərimizi vətənpərvərlik, sülhpərvərlik ruhunda tərbiyyələndirməkdə olduqca böyük əhəmiyyəti var.
Sülh uzaqda deyil, uşaqları bu günlərə hazırlamaq vacibdir.
Çox sağolun! Xoş məramlı tədbirlərin, günlərin carçısı olun. Elmira Süleymanova
Professor
Sabiq Ombudsman
25 fevral 2008