Muzey Mərkəzi  Facebook-da
museum_youtube
Rus muzeyi
Yarat - neft

Azərbaycan kinosunun 120 illiyinə həsr edilmiş “Azərbaycan kinosu afişalarda” adlı sərgi

03.04.2018 - 04.04.2018

Tədbirin təntənəli açılışı: 3 aprel 16:00
Sərgi Qalereyası
Təşkilatçılar: Azərbaycan Dövlət Film Fondu, Muzey Mərkəzi

3 aprel, saat 16.00-da Muzey Mərkəzinin Sərgi Qalereyasında Azərbaycan Dövlət Film Fondunun təşkilatçılığı ilə Azərbaycan kinosunun 120–illiyinə həsr olunmuş “Azərbaycan kinosu afişalarda” adlı sərginin açılışı baş tutacaqdır.
İncəsənətin bütün sahələrinin geniş yayılması, təbliği üçün ictimaiyyət arasında geniş informasiya yayan mühüm vasitələrdən biri də afişalardır.
Kino yarandığı gündən afişaların onun təbliği istiqamətində rolu əvəzsizdir. XIX əsrin sonlarında (02.08.1898) yaranan Azərbaycan kinosunun ilkin nümayişləridə afişalar vasitələ cəmiyyətdə müəyyən təəssürat yaradıb. Bu mənada afişaları cəmiyyətin maariflənməsində yardımçı olan ilkin nəşr də adlandırmaq olar.
Bilirik ki, filmlər ilkin mərhələdə rəssamların illüstrasiyaları sayəsində yaranır, rejissor tərəfindən bəyənilib, təsdiqlənir. Sonralar isə rəssamların yaradıcılığı əsasında filmlərin interyer və eksteryerləri müyyənləşdirilir, ekran əsərlərinin çəkilişləri reallaşır. Onuda qeyd edək ki, təsadüfi seçilməyən afişalarda obrazların xarakterləri və əsərin xüsusiyyəti də müəyyənləşdirillir. Rəssamın obrazlı təfəkkürünə təbii ki, filmin quruluşçu rejissorunun, operatorunun bilikləri də əlavə olunur.
1920-30-cu illərdə kinomuzun səssiz dövründə bədii təsvirin mühüm vasitəsi kimi montaj kinoplakatın quruluşunun kompozisiya üslubuna həlledici təsir göstərib. 1950-ci illərdən etibarən isə müasir kinonun təsvir vasitələri kinoplakat rəssamının yeni qrafik təsvir vasitələrinin axtarışlarını özündə əks etdirib. Filmin yaradıcılarının təkcə obrazlı təfəkkür üsulu yox, həm də kadrların (iri plan, detal, kompozisiya, peysaj) statik təsviri kinoplakatlarında yer alıb.
Bu il Azərbaycan kinosu 120 yaşını qeyd edir. Bu illər ərzində çəkilən filmlərdə kinorəssamlarımız müxtəlif janrlı filmlərə kinoplakatlar çəkib, fotomontajlar hazırlayıb. Rəssamlar kinoplakatları hazırlayarkən təbii ki, kinematoqrafik vasitələrin təsir (obrazlı təsvir) gücündən bacarıqla istifadə edirlər. Bu da kinoplakatlarında hələ ilkin mərhələdən tamaşaçıda filmlərin mövzusu, rejissor ideyası, aktyor ansamblı haqqında ilkin təəssürat yaradır. Bu mənada ustalıqla yaradılan kinoplakatlarını filmərin təbliği, baxılması, sevilməsi baxımından əsas amil hesab etmək olar.
Əziz kinosevərlər, Azərbaycan kinosunun 120 illiyinə həsr edilən "Azərbaycan kinosu afişalarda" adlı olduqca maraqlı sərgini diqqətinizə çatdırırıq.
Sərgi aprelin 4- dək davam edəcək. Sərginin iş saatları: 10.00-dan 18.00-dək.

Human_Rights_dec_2018_right
Carlos_Mota_2018_right
Minabi_2018_right
Fashion_Week_2018_right
Farhad_Hamzaliyev_oct_2018_right
Leyla_Axundova_jun_2018_right
Living_Legacy_2018_right
Vadud_Muezzin_may_2018_right
azerbaijan_film_posters_apr_2018_right
Exhibition_Talents_march_2018_right
Elza_Seyidcahan_2018_right
Firengiz_Huseynova_feb_2018_right
Rasim_Ismaylov_feb_2018_right
Bahram_Bagirzade_jan_2018_right
Under_an_Angels_Wing_right
Niyaz_Najafov_right
MirNadir_Zeynalov_nov_2017_right
Hasan_Haqverdiyev_oct_2017_right
Shane_Guffogg_2017_01_right
Tamilla_Hasanova_right_01
art_kukla_01_right
Vugar_Muradov_2016_right
Night_Fairytales_right_01
Biennale_2015_03_right
coffee_jun_2015_right
Kukla_Gallery_right