Rəssamlıq sənətinin əsərləri ilə ön cərgəsində parlayan Fikrət İbrahimlinin sərgisində iştirak edərək onu özüm kəşf etmiş oldum. O, əsərlərində zəngin mədəniyyətimiz, tariximizin keçmişinin və bu gününün bütün çalarlarını böyük məharətlə, ustadcasına əks etdirmişdir.
Sərginin təşkilatçısı və ideyaçısı olan millət vəkili Qənirə xanım Paşayevanın böyük sənətkarlara diri ikən qayğı göstərib, dəyər verməyi təqlid ediləcək bir örnəkdir. Dərin hörmətlə
səfir Abbasəli Həsənov
16 dekabr 2022

Çox hörmətli Ülviyyə xanım! Bu möhtəşəm sərginiz münasibətilə sizi səmimi qəlbdən təbrik edirəm. Sərgini seyr etməkdən doymaq olmur, çünki hər bir əsərin harmonik koloriti, rənglər aləmi,obraz və simvollar aləmi,insanı nağıllar aləminə aparır sanki...
Hər bir əsərə əslində ayrıca bir gün həsr etmək olar ki,kifayət qədər seyr etmək olsun. Əlbəttə ki, sizin çox möhtəşəm zəhmətsevərliyiniz göz qarşısındadır və bəzən heyranlıq doğurur.Sərginizdən çox böyük təəssüratlarla ayrılıram. Rəssam
Əbdüləmi Nadir Əliyev
28 oktyabr 2022

Əzizimiz Vədud bəy! Sizin əsərlərinizlə ayrı- ayrı yerlərdən tanış idim. İlk dəfədir sizin rəsm sərginizdə iştirak etdim. Çox məmnun qaldım. Yaratdığınız əsərlər qərinələri özündə daşıyır və məncə insan duyğularının ən ali təzahürüdür. Sizin hər bir əsərinizdə həyat eşqi, sülh istəyi canlanır. Sizə bundan sonra da uğurlu yaradıcılıq, sağlam can arzu edirəm. Hörmətlə,
Aşıq Əli
22 may 2019

Muzey mərkəzi, Sərgi qalereyasının işçiləri, başda Liana xanım Vəzirova olmaqla, gözəl,
xeyirxah işlə məşquldurlar. Bu axşam təşkil olunan Venesiya Maskalarının Sirləri sərgisi insanların mənəviyyatını zənginləşdirərək, gözəllik aşılayır. Mən dərin minnətdarlığımı və təşəkkürümü bildirirəm. Yeni-yeni uğurlar diləyirəm. Amaliya Pənahova
Xalq artisti, Dövlət mükafaları laureatı, sənətşunaslıq doktorı, professor, Bakı Bələdiyyə Teatrının bədii rəhbəri və direktoru
19 dekabr 2012

Mədəniyyət Nazirliyinə, Muzey Mərkəzinə “Müharibə uşaqların gözü ilə” Ermənistanın Azərbaycana qarşı təcavüzünün 20 illiyinə, Xocalı Soyqırımının 16 illiyinə həsr olunmuş Uşaqdan Uşağa Sülh Şəbəkəsinin təşkil etdiyi sərginin dəstəklənməsinə görə öz minnətdarlığımı bildirirəm. Bu sərginin uşaqlarımızı, gənclərimizi vətənpərvərlik, sülhpərvərlik ruhunda tərbiyyələndirməkdə olduqca böyük əhəmiyyəti var.
Sülh uzaqda deyil, uşaqları bu günlərə hazırlamaq vacibdir.
Çox sağolun! Xoş məramlı tədbirlərin, günlərin carçısı olun. Elmira Süleymanova
Professor
Sabiq Ombudsman
25 fevral 2008