Azərbaycan Respublikası
Mədəniyyət və Turizm
Nazirliyinin Muzey Mərkəzi

2006-cı ildən Muzey Mərkəzi, Sərgi Qalereyasının fondlarında saxlanılan incəsənət əsərləri əsasında öz məhsullarının buraxılışı, nəşri ilə məşğuldur. Məhsullar yüksək keyfiyyəti ilə seçilir və müasir Azərbaycan incəsənətinin zənginliyini özündə əks etdirir. Onların arasında rəngli posterlər, təqvimlər, müxtəlif açıqcalar, kataloqlar və incəsənət əsərlərinin reproduksiyası (fotoqrafiya, klişe və s. üsulu ilə bir şəkildən surət çıxarma), multi-media və video proqramlardan ibarət disklər vardır. Muzey Mərkəzi artıq neçə ildir ki, özünü bu sahədə yalnız dövlət deyil, həm də kommersiya təşkilatlarının sifarişlərini qəbul edən etibarlı tərəfdaş kimi tanıtmışdır. Suvenirlər etnik motivlərin xüsusi nəzərə çarpdığı vahid dizayn-konsepsiya əsasında tərtibata salınır.

Hal-hazırda yeni məhsulların – maqnitlərin, brelokların, nişanların, futbolkaların və s.-nin buraxılması üzərində iş gedir.

Məhsulların çeşidi müntəzəm olaraq yenilənir və artırılır. Suvenir kolleksiyası öz tematikasına görə müxtəlif və son dərəcə zəngindir. Eyni zamanda bu kolleksiya sırasına dəftərxana ləvazimatları – gündəliklər, bloknotlar, ədəbiyyat ləvazimatları, vizitkalar, qovluqlar, zərflər, fayllar və s. daxildir.

Xarici turistlər böyük məmnuniyyətlə Avropa keyfiiyətli original suvenirləri almaq üçün Muzey Mərkəzinin süvenirlər aləminə baş vururlar.