Azərbaycan Respublikası
Mədəniyyət və Turizm
Nazirliyinin Muzey Mərkəzi

Akt Zalı
Təşkilatçı: «Rus muzeyi: virtual filial» informasiya-maarifləndirici mərkəzi

5 yanvar, 2010-cu ildə Muzey Mərkəzinin «Rus muzeyi: virtual filial» informasiya-maarifləndirici mərkəzi məktəblilər üçün virtual səyahət təşkil etmişdir. Akt Zalında «Sankt-Peterburq və şəhər ətrafı» filminə baxış keçirilmişdir. Bu «Rus muzeyi: virtual filial» informasiya-maarifləndirici mərkəzin Mediatekasının yeni filmi idi. Filmdə Sankt-Peterburqun memarlıq abidələri və şəhər ətrafı imperator sarayları nümayiş etdirilmişdir. Filmin sonunda məktəblilər Rusiyanın Şimal paytaxtının ən möhtəşəm memarlıq abidələri haqqında viktorina suallarına böyük maraqla cavab verdilər. Viktorinanın qalibləri Bakıdakı Rusiya informasiya-mədəniyyət mərkəzinin nümayəndəsi tərəfindən "dadlı" hədiyyələr aldılar. Tədbirdə Bakının 212, 23 saylı məktəblərinin, Slavyan liseyinin, Qaradağ rayonunun 273 və Sumqayıt şəhərinin 11 saylı məktəblərinin şagirdləri iştirak etmişlər.